Mbrëmë në “Epet Arena” në Pragë, Çekia mposhti Shqipërinë me rezultat 2-0, në ndeshjen e vlefshme në kuadër të grupit B1 në Nations League, njofton Open-TV.
E në fundin e pjesës së parë, ndeshja sikur u harrua për disa momente, pasi ndodhi një ngjarje skandaloze dhe e turpshme nga tifozët cek, të cilët kishin shpalosur hartën e Kosovës nën flamurin serb si dhe kishin përdhosur disa flamuj shqiptarë.
Flamur me vete nga Austria në Çeki kishin pasur edhe këta të djem të rinj (shiko foton), Fatlumi (16 vjec) dhe Ramani (14 vjec), të cilët kishin sakrifikuar për ta ruajtur flamurin nga tifozët cek, pas përleshjes dhe tollovisë që kishte ndodhur në tribunë.

Fatlumi dhe Fitimi edhe pse të lindur e rritur në mërgim, flamurin kuqezi e kanë në gjak, dhe janë gjendje të luftojnë për të.
Fatlumi dhe Ramani janë dy djemtë e Lutfi Ramanit, një patriot shqiptar shqiptarë që jeton e vepron në Wels të Austrisë, e që me origjinë janë nga Haraçina e Shkupit.

Lidhur me skandalin e mbrëmshëm menjëherë ka reaguar federata e futbollit të Shqipërisë.
FSHF ka dënuar aktet e turpshme që ndodhën gjatë ndeshjes kundër Çekisë. “Koret raciste dhe përdhosja e flamurit shqiptar janë të patolerueshme dhe nuk i takojnë fushës së futbollit. Ky akt i rëndë përbën një sulm të hapur ndaj vlerave të futbollit dhe respektit midis kombeve”, është thënë në reagimin e FSHF-së. Kuqezinjtë pas disa ditësh luajnë ndeshjen tjetër në udhëtim kundër Gjeorgjisë. (Open-TV)







