Shaqir Fetahu, Reisul Ulema i BFI-së në RMV, gjatë vizitës së tij të fundit në Austri ka takuar edhe familjen Musliu me prejardhje nga Gostivari, prej nga është edhe vet ai, përcjell Open-TV.
Fetahu ka deklaruar se familja Musliu i ka bërë një pritje të ngrohtë.
Ai ka treguar se familja Musliu është një model i arritjeve të shqiptarëve në Europë, pasi i biri i tyre Mirsadi është një avokat i famshëm në Vjenë.
Postimi i plotë i Shaqir Fetahut:
Në Vijenë takova shokun tim të fëmijërisë dhe jetës H. Basri Musliun, një personalitet i vyeshëm, modest, i urtë dhe puntor i nivelit tē lartë. Mē bëri një pritje të sinqertë vëlazërore me birin e tij Z. Mirsad Musliun.
Mirsad tashmë është avokat i mirënjohur dhe me famë në Austri, në veçanti në mesin e shqiptarëve. Merret me raste të rënda dhe ia del me sukses.
Plotësisht është në shërbim të bashkatdhetarëve tanë. Maturia, mençuria, profesionalizmi i tij i lartë e bënë të suksesshëm në shoqërinë austriake. Është aktiv edhe në Qendrat shqiptare duke këshilluar dhe duke kontribuar në ngritjen e nivelit të organizimit të shqiptarëve. Shkurt thënë një model i arritjeve të shqiptarëve në Europë.
Zoti i bekoftë ata dhe familjen e tyre./Open-TV.







