24 janar – Shkëndija e Haraçinës sot prezantoi Ismail Abdullahun. Mbrojtësi me përvojë ka nënshkruar kontratë deri në fund të sezonit.
Abdullahu ka një përvojë të madhe, duke luajtur për Shkupin, Lepencin e Kaçanikut, Karaormanin e Strugës, Korabin e të tjerë.
Mbrojtësi i njohur së fundmi ishte pjesë e BvK-së në Ligën eTretë-Veri. Pas transferimit, ai për Open-TV u shpreh mjaft i lumtur, duke deklaruar se për Shkëndijën nuk e mendoj dy herë.
“Është nder dhe privilegj të jem pjesë e Shkëndijës, pasi është klub me traditë dhe tifozëri të madhe. ‘Çlirimtarët’ janë pjesë e pandarë e ekipit. Për mua nuk është me rëndësi liga, sa respekti dhe kënaqësia e mikpritjes. Më bindi projekti i klubit, njerëzit që jetojnë me futbollin dhe skuadrën që e kanë në zemër. Shkëndija është kampion vjeshtor dhe gjysma e punës është kryer, por tani na mbetet që me përgatitje cilësore ta presim të gatshëm pjesën e dytë të kampionatit në mënyrë që të realizojmë qëllimin e klubit-kualifikimi në ligën e tretë”, deklaroi Abdullahu. /Open-TV/
