Lideri i Aleancës për Shqiptarët, Arben Taravari disa herë ka përsëritur se për këtë parti, me bërjen pjesë të ekzekutivit, prioritet do të jetë realizimi i programit që do të definohet nga ekipi negocuies ditëve në vijim.
Pas mbledhjes së sotme, duke folur për kushtet kuadrovike, ai tha se nuk janë prioritet si parti, por se siguroi se kanë kuadro.
I pyetur se a do të pranin Ministrinë për byrek, Taravari tha:
“S’ka më Ministri për byrek. Të gjithë e dinë se nuk do ta pranonim”.
Kujtojmë se në vitin 2017, ASH doli nga Qeveria vetëm për shkakun se iu mor Ministria e Shëndetësisë, dhe në vend të saj iu ofrua Ministria pa resor. Lideri i kësaj partie në atë kohë, Ziadin Sela këtë ministri e quajti “Ministri të byrekut” dhe e refuzoi të njëjtën.
