Edhe mesfushori me përvojë nga Kumanova, Armend Alimi do ta veshë fanellën e Rabotniçkit në pjesën e dytë të sezonit, kanë konfirmuar nga klubi shkupjan.
Pas takimit të sotëm me drejtuesit e “romantikëve”, ai ka vazhduar kontratën deri në fund të kampionatit.
Alimi do t’i bashkohet përgatitjeve të skuadrës në Ohër. Rabotniçki nesër e pret ndeshje miqësore me skuadrën e ligës së dytë të Ohrid, ndërsa më 6 shkurt do të ketë një test ndaj Voska Sport.
Alimi, para se të mbërrinte në Rabotniçki, ishte anëtar i Shkëndijës që nga viti 2014 dhe ishte më standardi në mesfushën e skuadrës kuqezi.
Mesfushori me përvojë, përveç Shkëndijës, në karrierën e tij ka luajtur edhe për Ermis, Nea Salamis, Erebro, Istra 1961, Bashkimi dhe Milano nga Kumanova.
