16 shkurt – Sulmuesi i talentuar dhe i shpejtë nga Shkupi, Memet Idrizi, edhe zyrtarisht është prezantuar te skuadra e Bratstvos nga Zhitosha e Prilepit.
Drejtuesit e klubit e kanë promovuar 20-vjecarin si një prej përforcimeve më të mëdha në këtë afat kalimtar të janarit, shkruan Open-TV.
Idrizi pati një gjysmësezon shumë të mirë te kjo skuadër, ku kishte ardhur si lojtar i huazuar nga Besa e Dobërdollit.
“Jam shumë i lumtur që jam këtu. Dëshiroj që me Bratstvon të sigurojmë mbijetesën në Ligën e dytë-Lindje. Unë do të jap kontributin tim për të arritur qëllimin”, deklaroi Idrizi për Open-TV, pas prezantimit.
Kënaqësinë e madhe për vazhdimin e bashkëpunimit me Idrizin e ka shprehur edhe drejtori sportiv i klubit, Eroll Abdiu. Ky i fundit pret shumë gola nga ai.
“Kryesia e klubit edhe këtë stinor vazhdojë kontratën me sulmusin Memet Idrizi. Ai edhe në këtë stinor do të jetë arma e fuqishme në sulm prej të cilit presim shumë gola”, deklaroi për faqen e klubit, drejtori Abdiu.
Liga e dytë fillon këtë të shtunë me ndeshjet e javës së parë të sezonit pranveror, e ku që në start do të kemi një derbi të madh lokal ndërmjet Pobedës dhe Bratstvo nga Zhitosha./Open-TV/