11 shkurt – Me përballjen Bregallnica-Renova, të shtunën, nis sezoni pranveror në kampionatin vendor, ndërsa ndeshjet tjera janë në program ditën e diel, shkruan Open-TV.
Skuadra tetovare renditet në vendin e pestë me 27 pikë, kurse Bregallnica e Shtipit një pozitë më lartë me dy pikë më shumë.
Mevlan Murati, i huazuar te Renova, nga Shkëndija pret një ndeshje të vështirë në Shtip. Sipas tij, do të jetë një sfidë direkte për kreun e tabelës.
Mbrojtësi tetovar deklaroi se do të japin maksimumin për tu ktheyr me tre pikë në Tetovë.
“Nesër na pret një përballje e vështir kundër Bregallnicës, sepse do të jetë një ndeshje direkte për kreun e tabelës. Jemi të përgatitur maksimalisht që të japim më të mirën dhe në Tetovë të kthehemi me pikë të plota”, deklaroi për Open-TV mbrojtësi me përvojë Mevlan Murati.
Ai thotë se ka qenë kërkesa e tij që të vijë në formë huazimi te Renova, dhe se ka bërë zgjedhje të duhur.
“Te Renova kam ardhur në formë huazimi, edhe ate me kërkesën time, pasi nuk kisha minutazhë të mjaftueshme te Shkëndija. Kjo është arsyjea përse bëra këtë zgjedhje dhe mendoj se kam bërë zgjedhjen e duhur. Jam pritur shumë mirë sepse të gjithë i njohë shumë mirë dhe jam i lumtur që jam për momentin në këtë grup lojtarësh. Besoj se do të jap maksimumin per ta ndimuar ekipin në ambiciet që ka”, theksoi Murati.
Kujtojmë se në ndeshjen e parë në Tetovë, Renova pati shënuar fitore bindëse me rezultat 5-2. /Open-TV/
