Komiteti Olimpik i Maqedonisë konfirmoi emrat e pjesëmarrësve në Pekin 2022, i cili do të zhvillohet nga 4 e deri më 20 shkurt. Delegacioni i Maqedonisë do të përbëhet nga 3 garues:
ANA CVETANOVSKA – Kros Kantri, 126,98 pikë (FIS), disiplina e 7,5 km skiatlon dhe 10 km klasik (garon më 5 dhe 10 shkurt)
DARDAN DEHARI – Slalom- 58,50 pikë (FiS), disiplina slalom dhe slalomi i madh (garon më 13 dhe 16 shkurt)
STAVRE JADA – Kros Kantri, 63,77 pikë (FIS), disiplina sprint në 1.5 km dhe 50 km pa pengesa (garon më 8 dhe 19 shkurt)
Në ceremonialin e hapjes, flamuri i Maqedonisë do të jetë në duart të Ana Cvetanovskës dhe Dardan Deharit. Ekspedita e Maqedonisë do të drejtohet nga drejtori sportiv i Komitetit Olimpik, Vladimir Bogoevski dhe i njëjti do të niset nga Shkupi më 29 janar, ndërsa rikthimi do të jetë më 21 shkurt.
