6 shkurt 2022 – Skuadra e Milanit mbrëmë mori një fitore të “çmendur” kundër Interit në “Derby della Madonnina” ose në derbin e qyteti të Milanit me rezultatin 2-1, duke e “veshur” qytetin e modës me ngjyrat kuqezi.
Përveç se në Itali, këto dy skuadra të njohura kanë tifozë të flaktë edhe jashtë Italisë, shkruan Open-TV
.
Zekirja Shaini, mjeku nga Sllupçani i komunës së Likovës, është njëri prej tyre. Ai prej kohësh njihet si një tifozë i zjarrtë i “rossonerëve”.
Këtë gjë, ai e ka treguar edhe mbrëmë në profilin e tij në facebook, ku kishte shkruar: “Milano siamo noi” (Ne jemi Milani).
Në një intervistë të shkurtër për Open-TV, ai ka komentuar fitoren e mbrëmshme të AC Milanit ndaj Interit, ndërkohë ka zbuluar se si i ka hyrë në zemër gjigandi italian.
“Fitore e pritur pasi që Interin edhe në kohët më të vështira e kemi pacient të rregullt (qeshet). Të them të drejtën e prisja një barazim, por kisha besim te ekipi”, deklaron Zekirja Shaini, i cili me profesion është pulmolog.
“Tifoz i Milanit jam prej kohësh, kur në vijën e mbrojtjes ishin katër lojtarët: Kafu, Nesta, Stam dhe Maldini. Lojtar i imi i preferuar o të gjitha kohërave është Alessandro Nesta”, tregon ai.
Ai ka thënë se shumë shpejt do ta vizitoj stadiumin “San Siro” për ta ndjekur “live” ndonjë ndeshje të klubit të tij zemrës.
“Po, pas kohës së pandemisë patjetër se do të shkoj për të ndjek Milanin nga afër. Kjo do të ndodh shumë shpejt”, tha për Open-TV, dr. Zekirja Shaini.
Ai si pasionant i madh i futbollit me ekipin e tij “Intermedika” (është emri i ordinancës private në fshatin e tij) gjithmonë merr pjesë në turne të futbollit të vogël që organizohen në Maqedoni dhe jashtë saj.
Madje shpeshherë i ka ndodhur që të ngadhënjejë në turne të ndryshme.
Dhe, të gjitha kupat e fituara deri më tani i ka të vendosura në vitrinën e ordiancës së tij në Sllupçan të komunës së Likovës. /Open-TV/
