20 janar 2022 – Klubi i futbollit Gostivari është duke vazhduar me përgatitjet për sezonin pranveror në ligën e dytë-Perëndim. Kjo skuadër e mbylli edicionin vjeshtor në vendin e gjashtë me 17 pikë.
Mbrojtësi i rikthyer nga Voska Sport, Enis Dervishi, ka folur për “Open-TV” në lidhje me përgatitjet që po kryejnë, rikthimin e tij si dhe për synimet e klubit.
“Është java e parë që kemi nisur me përgatitje dhe ato po rrjedhin shumë mirë. Po punohet në mënyrë profesionale. Çdo fillim është i vështir, por tash Gostivari posedon kushte evropiane dhe ky është motiv më i madh për ne”, ka thënë Enis Dervishi.
“Miqësore ende nuk kemi zhvilluar, sepse është java e parë, por miqësoren e parë e kemi me 29.01 në Ohër kundër Ohridit”, tregon mbrojtësi tetovar.
“Stafi i ri teknik është duke sjell një mentalitet dhe motivim të fort tek lojtarët e cila besoj dhe mendoj se do të na dërgoj atje ku e kemi vendin”, shtoi Dervishi.
“Fazën përgatitore do ta zhvillojmë në Dojran, dhe në vijim presim ndeshjet miqësore dhe stërvitjet të jenë me intenzitet më të lartë”, vijon ai.
“Unë tash jam kthyer si përforcim në Gostivar, por kam qenë edhe më parë pjesë e Gostivarit. Nga transferimet mendoj se janë ideale dhe më shumë ndeshje në këmbë si në ligë të parë, poashtu edhe në ligën e dytë. Përvoja do ta dëshmoj besoj edhe në fushë”, theksoi Dervishi.
“Objektivi jonë për këtë sezon është që të ngjitemi lartë në tabel. Me këto transferime dhe ato lojtarë që kanë ngelë nga sezoni i kaluar besoj se do ta kemi më të lehtë”, përfundoi me tone optimiste Enis Dervishi./open-tv.mk/