9 shkurt – Skuadra e Gostivarit po i zhvillon përgatitjet e fundit në hotelin “Istatov” në Dojran, shkruan Open-TV.
“Ekipi është shumë mirë. Si staf teknik jemi të kënaqur me angazhimin e lojtarëve. Përforcimet janë ambientuar shumë mirë. Besoj se do të na ndihmojnë në vazhdimin e kampionatit. Kemi zhvilluar miqësore me Ohridin ku kemi barazuar 2-2, kurse ndaj Akademia nga shënuam fitore me rezultat 4:2. Nesër luajmë me Sremska Mitrovica nga Serbia, kurse të premten do të kthehmi në Gostivar”, kanë informuar nga KF Gostivari për Open-TV.
Sezoni pranveror nis me 19 shkurt, ndërsa Gostivari ndeshjen e parë e luan si mysafirë kundër liderit të ligës së dutë-Perëndim, Sileksi nga Kratova.
Sezonin vjeshtor, Gostivari e ka përfunduar në vendin e gjashtë me 17 pikë./Open-TV/