Kryesia e WHC ÇAIR nuk di ndalet. Prej tani po punon për sezonin e ardhshëm. Ekipi i Çairit për përgaditje ka zgjedhur qytetin e Hodoninit të Çekisë. Si dhe pjesmarje në turne me ekipe cilësore nga Hungaria, Sllovenia dhe Çekia.
Tani kur ekipi i Çairit ka marrë epitetin e një ndër klubeve më të organizuara në vend drejt suksese kulmore, kryesia e klubit i ka bërë të gjitha planifikimet për sezonin e ardhshëm 2023/2024.
Ekipi i Çairit do të zhvillojë fazën kryesore të përgatitjeve në Hodonin të Çekisë, ku aty do të qëndrojë për 11 ditë, në një nga qendrat sportive të cilët ofrojnë kushte të shkëlqyeshme për punë për këtë periudhë vjetore.
Dy ndeshjet e para kontrolluese skuadra e Çairit do ti zhvillojë me kundërshtar kualitativ që janë në nivel të rivalëve të mundshëm në ndeshjet edicionit Europian EHF CUP, pra këto dy ndeshje do të na shërbejnë për ngritjen e formës sportive.
Më pas ekipi do të marrë pjesë në turneun prestigjioz që do të mbahet pikërisht në qytetin e Hodoninit, ku ekipi i Çairit ka zgjedhur të kryejë fazën e përgaditjeve kryesore dhe pjesmarës në këtë turne do të jenë ekipe cilësore nga Hungaria, Sllovenia dhe Çekia.
Gjithashtu pas përfundimit të sezonit aktual, klubi i Çairit do të ju njoftojë me super përforcimet që do të kompletohet ekipi i Çairit për sezonin e ri 2023/2024.
