Kryetari i Partisë Demokratike Europiane Ajanit Hoxha mbrëmë në Click Plus duke folur për VMRO-DPMNE-së , tha se lideri i kësaj partie Hristijan Mickoski po kërkon partner të dëgjueshëm në bllokun politik shqiptar.
“Unë kam ngritur vetëm një dilemë që edhe hipotetikisht edhe nëse ndodh që kështu siç thotë Mickoski dhe VMRO-ja, që nëse një bllok opozitar merr një numër të konsiderueshëm të mandateve për ta bërë 61-shin bashkë, a është i gatshëm Mickoksi që ta jep të njëjtin pushtet që e ka BDI tani në qeverisje?! Dhe përgjigjja çuditërisht është ajo që reflekton sot e kësaj dite se VMRO kërkon partner të dëgjueshëm dhe partner i cili nuk do të kërkoj shumë”, theksoi Arjanit Hoxha – Kryetar i PDE.
Hoxha akuzoi edhe frontin opozitar shqiptar (AAA-LB-LD) se të gjithë luftën që po e zhvillojnë në opozitë, po e bëjnë për pushtet dhe, sipas tij, ai nuk sheh asnjë alternativë te kjo forcë e partive shqiptare në opozitë.
