Etrit Berisha ka pasur njërën prej ndeshjeve më të vështira në karrierë, të dielën mbrëma. Portieri kosovar ka pësuar plot shtatë gola.
Roma ka fituar 7:0 ndaj Empolit, në kuadër të xhiros së katërt të Serie A.
Paulo Dybala i shënoi dy gola për Romën, ndërsa Renato Sanches, Bryan Crinstsante, Romelu Lukaku e Gianluca Mancini nga një. Alberto Grassi shënoi autogol.
Pjesë e turpërimit të Empolit ishin edhe Ardian Ismajli e Stiven Shpendi. Ismajli luajti në mbrojtjen e Empolit prej fillimit të pjesës së dytë, ndërsa Shpendi u aktivizua në minutën e 84-t.
Roma ka shënuar vetëm fitoren e parë. Me katër pikë renditet e 12-ta. Empoli është i fundit dhe skuadra e vetme pa pikë. Ka pësuar 12 gola deri më tani, ndërsa nuk ka shënuar asnjë. (koha.net)
