Në kuadër të ISHP Shtëpia e Shëndetit-Likovë nga 15 marsi ka nisur aksioni për parandalimin, vetëdijësimin e nxenësve të klasëve të IX- ta në lidhje me dukuritë negative që shkaktohen nga përdorimi i lëndëve narkotike (Droga), alkooli dhe duhani.
Shtëpia e Shëndetit “Likovë” në Likovë, gjegjësisht personeli mjekësor, duke e parë të arsyeshme se nxënësit e klasëve të IX- ta të Komunës së Likovës, të cilët janë në moshë delikate të pjekurisë, kanë nevojë për këshillë, vetëdijësim, që mos të bien pre e të panjohurës në ndërvetëdijen e tyre, gjegjësisht pasojat që i shkakton përdorimi i lëndëve narkotike, alkooli dhe duhani, kanë organizuar aksionin për parandalim të këtyre dukurive negative, i cili aksion do të zgjasë deri më 22 mars.
Dr. Muhamed Selimi
“Aksioni më 15 mars është zhvilluar në shkollat ‘Rilindja’ në Llojan-Vaksincë si dhe në SHFK ‘Faik Konica’ në Sllupçan –Orizare, ndërsa sot më 17 mars aksioni ka përfunduar në SHFK ‘Dituria’ në Likovë dhe ‘7 Marsi’ në Opajë, kurse më 20 mars ky aksion do të zhvillohet në SHFK ‘Andon Zako Cajupi’ në Hotël dhe Kultura në Mateç dhe më 22 mars në Shkollën periferike në Ropalcë dhe ‘5 Tetori’ në Nikushtak”, na njoftoi dr. Muhamed Selimi, përgjegjës në ambulancën e ISHP Shtëpia e Shëndetit-Likovë.(Open-TV)
