Turqia u godit nga një tërmet shkatërrues me magnitudë 7.7, ku ndërruan jetë mbi 1000 njerëz dhe u lënduan më shumë se 6000 të tjerë. Tashmë është raportuar viktima e parë nga bota e sportit, ai është portieri Ahmet Eyup Turkaslan.
28-vjeçari Turkaslan ishte pjesë e ekipit të Yeni Malatyaspor dhe u gjend në një nga ndërtesat që u shemb nga tërmeti. Gruaja e tij u shpëtua nga ekipet e shpëtimit dhe pas disa orësh kërkime, ata gjetën trupin e Turkaslan.
Po kërkohet edhe një ish-yll i Premierligës. Mungon Christian Atsu, 31-vjeçari i cili ishte pjesë e Hatayaspor, dhe më parë ka luajtur për Newcastle United, Everton, Chelsea.
Në kërkim janë edhe shumë funksionarë nga klubet turke, kurse futbolli aktualisht është i pezulluar.
