Shkëndija ka humbur sot nga Sileksi me rezultat 2-1 në Kratovë. Ishte kjo humbja e parë e kuqezinjve pas pesë ndeshjeve. Trajneri Ardian Nuhiu nuk e ka kapërdirë lehtë këtë disfatë. Ai ka shtuar se e ka ditur se një ditë do të vijë humbja.
“E dinim se do të vinte një ditë edhe humbja e parë, por unë personalisht mendoj se ndeshjen më të mirë apo më mirë të interpretuar nga skuadra jonë sot e humbëm. Personalisht mendoj se në ato goditjet nga distanca duhej të ishim më të kujdesshëm dhe më agresim për mos me lejuar ta godisnin portën, por sa i përket skuadrës tonë mendoj se kemi ndërtuar shumë mirë, kishim qarkullimin e topit, gjatë gjithë kohës kemi qenë në kërkim të golit dhe në momentin që barazuam menduam se do të merrnim edhe fitoren. Por jo që shkuam me çdo kusht ta merrnim sepse realisht mbrojtja ishte e pozicionuar dhe secili ishte në pozitën e vet, por thjesht ashtu si kemi marrë fitore në fund të takimeve, ja sot erdhi ndëshkimi”, u shprehë Nuhiu.
