Pas incidentit, përmes një postimi në Fejsbuk ka reaguar, gazetari Nevrij Ademi i cili ka postuar edhe identitetin e autorit të cilin thotë se nuk e ka njohur më herët.
Në vijim reagimi:
Të nderuar kolegë, miq, familjarë sëpari ju falenderoj nga zemra për mbështetjen e parezervë dhe kujdesin që keni treguar ndaj meje sot pas ndodhisë në fshatin Gjurgjevisht.
Ju kërkoj falje nëse dikujt nuk i jam përgjigjur në kohë ndërsa rasti i sotshëm tregon qartë se me çfar vështirsish përballemi unë dhe të gjithë kolegët Gazetarë. Kronika 2, 3 apo 5 minutëshe është një mund disa orësh të cilin sot e kalova edhe me një sulm nga personi që po e shihni në fotografi.
Ai me mjet të mprehtë (Sëpatë) Sulmoi ekipin e Televizionit Pollogu që ishim në teren për të raportuar mbi përmirësimin e kushteve të Shkollës Fillore Naim Frashëri në fshatin Gjurgjevisht. Reagimi i tij erdhi i papritur dhe pa asnjë motiv duke mos e njohur dhe asnjë kontakt verbal me të.
Jo me sëpatë, por me çka të doni dhe si të doni as ju dhe as porositësit e kësaj vepre nuk do të mund të më ndalojnë në kryerjen e obligimit tim për të cilën jam betuar se do të punojë me nder dhe përkushtim.
Falë Zotit jam mirë me shëndet dhe nuk kam dëmtime, Faleminderit organeve të rendit për reagim të shpejtë duke mos lënë që situata të eskaloj ndërkaq i bëj thirje Prokurorisë që të mos zvaritin procesin ashtu siç ato dinë por rasti do të kërkoj të zgjidhet sa më shpejtë të jetë e mundur.