Vetëm pak orë ka zgjatur qëndrimi i Zhironës në vendin e parë të La Ligës. Real Madrid koleksionojë fitoren e radhës në kampionatin spanjoll, teksa triumfoi 4-0 ndaj Osasunës. Një spektakël i dhuruar falë dyshes së mbërritur në merkaton e kësaj vere, formuar nga Belingam e Hoselu. Mesfushori anglez shënoi një dopietë golash në këtë përballje, duke qenë i pari futbollist i cili shënon 8 herë në po kaq javë të kampionatit.
Belingam po kalon një moment fantastik, madje duke thyer edhe rekordin e Cristiano Ronaldos, i cili u ndal në kuotën e 7 golave. Dominimi i ekipit të Carlo Ancelottit ishte i dukshëm në fushën e lojës, teksa për golin e 3-0 mendoi Vinisius Zhunior. I asistuar nga Valverde braziliani realizoi golin e dytë pas atij në Ligën e Kampionëve.
Për të mbyllur llogaritë mendoi Hoselu, i cili humbi edhe një penallti për të dështuar të kompletojë dopietën personale. Tashmë Real Madrid thellon rekordet kundër Osasunës që nuk ka humbur asnjë prej 17 ndeshjeve të fundit, ecuri që e vijon prej janarit 2011 dhe është më e gjata në kampionatin spanjoll. Real Madrid kryeson renditjen me 24 pikë, dy më shumë se Zhirona dhe katër e distancuar nga Barcelona./ Klan News
