Shkëlqim Musliji është emëruar drejtor në ISHP Shtëpia e Shëndetit – Likovë, përcjell Open-TV.
Lajmin e ka bërë të ditur vet ai përmes një postimi në rrjetin social Facebook.
Postim i plot pa ndërhyrje:
Të nderuar miq,
Sot edhe zyrtarisht mora detyrën e drejtorit në ISHP Shtëpia e Shëndetit – Likovë!
Detyrën publike e pranoj si obligim dhe përgjegjësi të madhe dhe kurrë si privilegj, ngase ne jemi të caktuar në pozita të ndryshme për t’u shërbyer qytetarëve.
Dua të shpreh një faleminderim të veçantë ndaj strukturave të Aleanca për Shqiptarët – dega Likovë për mbështetjen dhe besimin e tyre në këtë rrugëtim të ri.
Zotohem për një angazhim maksimal dhe për një organizim të mirëfillt për të siguruar shërbime shëndetësore që do të ndikojnë në mirëqenien dhe shëndetin e qytetarëve të komunës sonë.
Jam i gatshëm të dëgjoj nevojat tuaja dhe të punoj për të arritur qëllimet tona të përbashkëta për një shëndetësi më të mirë. Faleminderit për mbështetjen tuaj dhe besimin në mua!
Na prift e mbara!
Me respekt,
Shkelqim Musliji (Open-TV)
