Një skandal i madh është gati të shfaqet në dy javët e fundit të Kupës së Botës në Katar. Sipas shkrimeve të gazetarit Roman Molinha, disa futbollistë të kombëtareve afrikane pjesëmarrëse në këtë Botëror kanë paguar para për t’u vendosur në listat e udhëtarëve të Botërorit.
Me sa duket, bëhet fjalë për ekipet e futbollit të Ganës dhe Kamerunit. Një dyshim shtesë për këto akuza jep edhe sjellja e pashpjegueshme e trajnerit legjendar të Kamerunit, Rigobert Song, i cili në konferencën për shtyp ku shpalli emrat e futbollistëve me të cilët do të udhëtojë në Katar, u soll sikur nuk e dinte të gjithë emrat në listën e tij prej 26 lojtarësh.
Pjesë e atyre që udhëtuan me Kamerunin në Katar ishin disa lojtarë vendas si Jerome Ngom Mbekeli (24) dhe Suaiba Mara (22), të cilët kanë luajtur vetëm tre ndeshje në kombëtare.
“Disa anëtarë të ekipit kombëtar të Kamerunit dhe Ganës kanë paguar për udhëtimin në Kupën e Botës. Disa prej tyre paguanin vetëm për të qenë në listë”, zbuloi gazetari.
Këto pretendime të tij kanë krijuar kaos në rrjetet sociale dhe tifozët e futbollit në Afrikë po “ofertojnë” për emrat e futbollistëve që dyshohet se kanë paguar për të qenë pjesë e Botërorit të Katarit.
