Sot në hotelin “Holiday Inn” në Shkup, (ora 20:00) do të mbahet promovimi i partisë së re politike “ZNAM” – “Për Maqedoninë tonë” nga kryetari i komunës së Kumanovës, Maksim Dimitrievski.
Ai ftoi përkrahësit, miqtë dhe qytetarët që t’i bashkohen nismës civile dhe të marrin pjesë në manifestimin me rastin e Iniciativës për formimin e subjektit të ri politik në skenën politike në RMV.
Dimitrievski informoi se të gjithë qytetarët e interesuar mund të marrin pjesë dhe të kontribuojnë në krijimin e një entiteti të ri që ka për qëllim të ndryshojë gjërat në shtet, të ndryshojë proceset, nga qytetarë për qytetarë.
“Të vihemi plotësisht në shërbim të Maqedonisë dhe popullit tonë!”, tha Dimitrievski.
Manifestimi përfshin fjalime të folësve, si dhe nënshkrimin e iniciativës nga përfaqësuesit e të 10 shoqatave qytetare nga Maqedonia.
Dimitrievski ka qenë deputet shumëvjeçar i LSDM-së, ka mbajtur disa pozita partiake dhe shoqërore, duke përfshirë këshilltar, deputet dhe kryetar komune, por pasi nuk mori mbështetje edhe për një mandat kryetar komune, ai shkoi në zgjedhje me “Za nashe Kumanovo” (Për Maqedoninë tonë”. (Open-TV)
