Sot pritet të mbahet marsh protestues për nder të të ndjerit Rexhail Qerimit, i dënuari për rastin “Alfa” si dhe për disa raste gjyqësore.
“Të dashur bashkatdhetarë, ju njoftojmë se me datë 04.02.2022, të premten në ora 13:30 do të mblidhemi në sheshin “Skënderbeu” ku do ta fillojmë marshin në nder të Rexhail Qerimit dhe do të kërkojmë hetim ndërkombëtar në zyrat e BE-së për vdekjen e dyshimtë”, bëri të ditur vëllai i të ndjerit, Jetulla Qerimi.
Rexhail Qerimi ka vuajtur dënim të përjetshëm për rastin “Alfa”ku në parkingun e fakultetit matematiko natyror në Shkup, me një breshëri plumbash nga kallashnikovi, më 26 nëntor të 2008-tës, ishte vrarë polici shqiptar nga njësiti Alfa, 38 vjeçari Afrim Arifi. Por ishin plagosur edhe dy kolegët e tij maqedonas me të cilët kishte qenë në patrullë, Sashe Petrovski dhe Edvard Aleksovski.