Struga Trim Lum ka barazuar 2:2 ndaj danezëve të FC Helsingor, ndeshje kjo që u zhvillua sot në Antalia të Turqisë, aty ku skuadra strugane po kalon tashmë ditën e 8-të.
Struga Trim Lum, sipas asaj që shkruajnë në faqen e tyre zyrtare në facebook kishte më shumë nga loja, ndërsa shumë pak mungonte që në fund të regjistronin edhe fitoren e parë në tokën turke, në rast se Ard Kasami ishte i saktë nga pika e bardhë.
Ndryshe Besart Ibraimi kaloi në epërsi skuadrën e Struga Trim Lum falë golit të shënuar në minutën e 28-të. Ishte ky goli i dytë për sulmuesin kërçovarë në këto ndeshje kontrolluese në Turqi, por që shumë shpejt gjeti kundërpërgjigje nga ana e skuadrës kundërshtare, që barazoi vetëm dy minuta më pas me anë të Drost.
Pjesa e dytë nuk nisi mbarë për skuadrën kampione të vjeshtës, pasi FC Helsingor me anë të Mouritsen në minutën e 51-të shënoi edhe golin e dytë, duke barazuar shifrat në 2:2.
Doli të jetë ky rezultati përfundimtarë i këtij takimi, në të cilin, Struga Trim Lum, siç theksuam në fillim të tekstit, humbi edhe një penalti.
Ishte ky barazimi i dytë për Struga Trim Lum, pas atij ndaj ukrainasve të Kryvbas, ndërsa ndeshjen e fundit në kuadër të kontrollueseve në Turqi do ta zhvillojnë me datë 4 shkurt kundër moldavëve të Petrocub Hincesti.