NEHAT JAHIU
TË KISHA PREMTUAR ATDHE
Qysh atëherë kur isha larguar
Vendi im ty të kisha premtuar
Fjalë e besë t’i kisha dhënë atdhe
Se do të mbulohem me tëndin dhe.
Varrin tim desha ta kem në vendlindje
Pranë babait tim e të nënës sime
Doja të prehem i qetë në mëmëdhe
Mu këtu ku dikur aty kisha le.
Dhe ja sot më erdhi dita ime
Kur tek ti u ktheva vendlindje,
U ktheva të pushoj tek këto varre
T’i shëroj brenga…, plagë… e halle.
Tani shpirti im është mbushur dashuri
Tek ti ku u linda ,unë u ktheva përsëri
Sot vendlidje me mall po të përqafoj
Tek ti shpirti im gjithnjë do të jetoj.
Likovë, 7 shkurt 2018
