16 shkurt – Kjo e shtunë e sjell ndeshjen më të zjarrtë në këtë fazë të play-off-it, derbin mes klubit të hendbollit për femra Çair nga Shkupi dhe Kumanovo, e cila fillon në ora 18:00 në sallën sportive “Enver Idrizi”, shkruan Open-TV.
Ndeshja pritet të jetë e një niveli të vecantë, edhe për shkak të rivalitetit që kanë mes vete. Hendbollistet e Kumanovës janë kampione aktuale.
Trajneri Basri Latifi për Open-TV deklaron se po e ndjejnë peshën e derbit, dhe rezultati i kësaj ndeshje mund të jetë vendimtar për fatin e mëtutjeshëm të play-off-it.
“Kjo ndeshje është derbi për titull. Kumanovën e kemi kokurrent dhe rival direkt. Ndeshjen e parë e kemi humbur nga Gjorce Petrovi, si mysafire, por kemi luajtur pa tre lojtare. Tash jemi të kompletuar dhe presim fitore, edhe pse do të jetë shumë vështirë. Të gjitha ekipet janë pretendente për titullin e kampionit, ku secili mund të fitoj secilën. Pra, çdo ndeshje eshtë derbi”, deklaroi për Open-TV, trajneri i KHF Çair, Basri Latifi.
Në fazën e play-off-it, në garë për titullin kampion janë: Kumanovo (5 pikë), Vardari (5), Gjorce Petrov (4), Çair (3) dhe Metalurgi (3). /Open-TV/
