Kombëtarja e Maqedonisë në futboll është në pritje të fillimit të kualifikimeve për Kampionatin Evropian. Në xhiron e parë në arenën “Todor Proeski” vjen Malta dhe tashmë kanë nisur minipërgatitjet për këtë duel.
Përzgjedhësi Blagoja Milevski e ka thirrur ekipin dje në hotelin “Hilton” në lagjen Aerodrom të Shkupit dhe ka filluar procesi stërvitor. Disa nga lojtarët mbërritën me vonesë. Arijan Ademi dhe Stefan Ristovski dje pasdite luajtën për Dinamon e Zagrebit, kapiteni i “bluve” ka pasur një ditë emocionuese pasi ka luajtur ndeshjen e fundit në këtë klub. Tashmë, mendimet duhet të kthehen tek Malta dhe fillimi i kualifikimeve të Euro-s.
Në hotelin e Shkupit, Ristovski dhe Ademi kanë mbërritur me veturë, të cilët janë pritur nga bashkëlojtarët e tyre, por edhe nga kreu i Federatës së Futbollit të Maqedonisë, Muamed Sejdini.
