Emri i Lionel Messit do të shkruhet përgjithmonë me shkronja të arta në historinë e Argjentinës. “Gjeniu i vogël” arriti të fitojë titullin e botës këtë dimër dhe që atëherë gëzon respekt të madh në vendin e tij.
Kjo u konfirmua edhe një herë ditën e djeshme, pasi ai u pa në Buenos Aires duke darkuar në një restorant me familjen e tij ku u mblodhën menjëherë qindra fansa që shpresonin të merrnin një autograf apo një foto me Messin, por ishte e pamundur.
Për shkak të turmës që u krijua para restorantit, Messi nuk mundi të largohej dhe u desh të ndërhynte sigurimi, i cili i bëri një korridor përmes të cilit arriti të dilte nga turma.
Pas fitores në Kupën e Katarit, Lionel Messi hyri në klubin e “të pavdekshmëve”, së bashku me legjendarin Diego Armando Maradona dhe mediat argjentinase shkruajnë se “jeta normale” në Argjentinë ka marrë fund për të. Ata kujtuan se edhe Maradona nuk mund të dilte nga shtëpia, pasi fansat dhe gazetarët e ndiqnin kudo. Messi mezi arriti të arrinte në makinën e tij dhe të largohej nga restoranti ndërsa njerëzit përpiqeshin të arrinin tek ai.
Pas vizitës së djeshme në Argjentinë, u intensifikuan spekulimet për ardhjen eventuale të Messit në klubin Rosario, por mediat më të informuara thonë se një gjë e tillë është shumë e vështirë të ndodhë. Ai është në derën e daljes te PSG dhe në Spanjë tashmë po flitet shumë për rikthimin e tij te Barcelona gjatë afatit kalimtar të ardhshëm.
Léo Messi à la sortie d’un restaurant en Argentine hier 🤯
🎥 @AndresLacouture pic.twitter.com/y6lEGEbP9s
— BeFootball (@_BeFootball) March 21, 2023
