14 shkurt – Sukseset e komunitetit shqiptarë në Zvicër nuk kanë të ndalur. Së fundmi është Donikë Sejdiu, vajza me origjinë nga Kumanova që është zgjedhur në Këshillin bashkiak në Schlieren, të kantonit të Zurichut, shkruan Open-TV/
Lajmin e ka bërë të ditur prindi i saj Vaxhid Sejdiu, mësues dhe një atdhetar i madh i çështjes shqiptare.
Ja postimi i plotë:
Jam më se i bindur se jo vetëm që do t`i shërbesh shoqërisë zvicerane si duhet, por do ta nderosh edhe emrin shqiptare në institucionet e vendit. Donikë, bija ime, paç shëndet dhe shumë suksese!
Në vazhdimësi jam gëzuar dhe iu gëzohem sukseseve të të rinjve shqiptarë, kudo ku janë. Ndoshta edhe profesioni i mësuesit më ka edukuar në këtë frymë, ku të gjithë të rinjtë, ashtu si nxënësit e mi, kam dëshirë t`i shoh të integruar dhe si shembulli më i mirë i përfaqësimit shqiptarë në botë. Por, sot kam një milion arsye të gëzohem me ty Donikë, për zgjedhjet e Këshillit bashkiak në Schlieren, ku edhe pse për herë të parë u paraqite në zgjedhje, fitove respektin e qytetarëve të saj. Urime!/Open-TV/
