Julian Nagelsmann është zyrtarizuar të premten si trajneri i Gjermanisë deri në finalet e Euro 2024 që do të mbahen pikërisht në këtë vend. Kjo është arsyeja që ai dhe ekipi duhet të lenë shenjë në këtë kampionat.
“Do të luajmë Europianin në shtëpinë tonë dhe synimi është të bëjmë një paraqitje sa më të mirë. Kjo është diçka e veçantë që përsëritet një herë në shumë vite. Mezi pres që të përballem me këtë sfidë.”
36-vjeçari zëvendësoi Hansi Flick, të cilit i kishte marrë vendin te Bayern Munchen. Julian Nagelsmann i premtoi tifozëve se do të shikojnë stilin e tij të lojës që në miqësoret e muajit të ardhshëm me Shtetet e Bashkuara të Amerikës dhe Meksikën.






