Zëvendësdrejtor i Agjencisë për Rini dhe Sport, Isak Lazami, dje ka realizuar një takim pune në Haraçinë me drejtuesit e KF Shkëndija 1977.
Në takim është diskutuar për sportin dhe infrastrukturën sportive në Komunën e Haraçinës, në theksë të vecantë për mungesën e një stadiumi futbolli.
“Ishte nderë për mua, që si zv. Drejtor i Agjencisë për Rini dhe Sport, së bashku me ekipin tim realizova një takim pune në Haraçinë me drejtuesit e Klubit të Futbollit Shkëndija Haraçinë 1977. Në takim diskutuam për sportin dhe infrastrukturën sportive në Komunën e Haraçinës, dhe u theksua se një indikator kyç ishte mungesa e një stadiumi për futboll në këtë komunë, si dhe mungesa e terreneve për rekreacion dhe mjeteve teknike për sport”, deklaroi Lazami.

“Mes të tjerash shpreha gatishmërinë time për të ndihmuar sportdashësit në Haraçinë. I theksova se: ‘Fjala Shkëndi na emocionon të gjithëve dhe duhet të bëjmë çmos që klubet e sportit, që ne si popull i kemi themeluar, të nderohen në shenjë respekti për sakrificën dhe mundin që ky popull ka dhënë brez pas brezi për të kultivuar sportin në vend’.
Klubi i Futbollit Shkëndija Haraçinë 1977, edhe pse me një histori të gjatë, pas një periudhe që ndërpreu aktivitetet , është rikthyer në skenën e sportit vendas, duke dhuruar spektakël dhe talente të rinj. Në fund të takimit u dakorduam se një vend që nuk ka sport dhe kulturë, ai vend është i destinuar të vdesë. Kështu që investimet kapitale për sport në zonat rurale do të thotë burim i jetës”, theksoi Isak Lazami, zëv/drejtor i ARS-së. (Open-TV)






