Skatori i mirënjohur nga Tetova, Dardan Dehari, ka reaguar pas mospërfilljes së tij nga ana e Komuna e Tetovës, në ditën e saj, më 3 mars, ku janë ndarë mirënjohje për personalitete të shquara nga sfera të ndryshme të shoqërisë.

Dehari ka deklaruar se revolta e tij ndaj kretu të komunës, Bilall Kasami nuk ka të bëj me mosnjohjen e rezultateve të tija, për shkak të politizimit të sportit.

Ja reagimi i plotë i Dardan Deharit në llogarinë e tij në FB pa ndërhyrje:
Sot 3 Marsi, dita e Komunës së Tetovës, ku në hapësirat e po të njejtës u organizua ceremoni solemne dhe u ndanë mirënjohje për personalitete të shquara nga sfera të ndryshme të shoqërisë, të cilat kontribuan në afirmitetin dhe zhvillimin e qytetit të Tetovës,
Unë si pjesëmarrës i lojrave olimpike dimërore Beijing 2022 nga data 4 deri 20 shkurt 2022, dhe jo me shumë se 2 javë nga mbarimi i lojrave olimpike nuk jam një nga të ftuarit në atë ceremoni!
Nuk e di se si ta vlerësoj këtë mospërfillje nga ana e Komunës, duke qenë i bindur se pjesëmarja në lojra olimpike është ëndër e çdo sportisti dhe sukses jo vetëm i sportistit por edhe i komunitetit dhe rethit ku vepron dhe jeton, por si duket kryetari i Komunës sonë ka bërë përzgjedhje në baza politike e partiake, e them kështu sepse po ju rikujtoj rastin e kampionatit botërorë në shkurt të vitit 2021 në Itali, ishte zoti Bilall Kasami ai i cili në rjetin e tij social facebook më përgëzoi për arritjet sportive në kampionat, por si duket asaj kohe kishte nevojë për të fituar poena politike gjoja se mbështet edhe figura sportive që i takojnë komunës sonë, e përkundrazi pasi që erdhi në detyrën e udhëheqësit me komunën e Tetovës po e verteton këtë që po them unë.
Zoti kryetar, unë ju siguroj se sikur të isha i mvarur nga mbështetja e komunës ku jetoj nuk do të ndodhte që as në vitin 2021 të shkruani për sukseset e mia në sportin e skijimit sepse sporti në komunën tonë zë vendin e fundit për nga investimet, por dua që tju këshilloj që mbështetja e sportit dhe sportistëve eshtë investimi më i qëlluar nga ana e komunës sepse sportistët janë ambasadorët më të mirë të një vendi dhe plus që përmes sporit ngritet vlera dhe niveli i vetëdijes shoqërore dhe kulturore., sepse unë realisht nuk kam nevojë për një mirnjohje nga komuna e Tetovës, atë e mora nga komiteti olimpik botërorë në lojrat olimpike dimërore.,
Por esenca e këtij shkrimi nuk është revolta ime që nuk i njihni rezultatet e mia, por është qasja juaj e gabuar që edhe sportin e politizoni….








