Sot me datë 5 Maj 2023, në hapsirat e Fakultetit të Administrates se Biznesit në Kumanovë nën organizimin e OJQ Pulse of Democracy u shenua dita e Unionit Europian. Në këtë event morën pjesë nxënës nga shkolla fillore e të mesme nga Kumanova me vizatime me motive Europian, si dhe pjesa e dytë e agjendës ishte debati i hapur me të pranishmit, studentët, profesorët e fakultetit dhe gjithë të pranishmit tjerë që u inkuadruan në debat.


Me prezencën e tyre në këtë manifestim na nderuan dekani i fakultetit të Administrates se Biznesit në Kumanovë z.Llokman Hebibi i cili njëherit edhe e përshëndeti eventin dhe të pranishmit me një fjalë rasti, z.Ridvan Dervishi këshilltar në komunën e Kumanovës, z.Isak Lazami zv.drejtor në agjensinë për rini dhe sport, z.Krasmir Draganev ambasada e Republikës së Bullgarisë në vendin tonë,z.Nagri Rexhepi drejtor i SHMK Sami Frasheri Kumanove, z.Fatos Aqifi përfaqsues nga komuna e Kumanovës, prof Astrit Iseni, si dhe kryetarja e parlamentit studentor në Fakultetin e Adm.Biznesit Egzona Fejzullai.


Ky manifestim u mbështet nga sektori i kulturës në komunën e Kumanovës si dhe nga auto shkolla Jugo Fer në krye me pronarin z. Ridvan Dervishi.

Ky event është tradicional dhe shënohet për herë të dytë nga OJQ Pulse of Democracy Kumanovë.









