Të shtunën në fshatin Vicë të Tetovës do të inaugurohet lapidari i veprimtarit dhe veteranit të UÇK-së, Lezam Ramadani, apo siç njihej ndryshe, La Xami.
Ceremonia do të zhvillohet te vendi i prehjes së tij, ndërsa organizohet nga Shoqata e Veteranëve të Luftës së UÇK-së.
Lezam Ramadani ka qenë ushtar dhe pjesë e rëndësishme e logjistikës së tre luftërave, atë të Kosovës, Preshevës dhe në Maqedoni.
“Lezam Ramadani – La Xam mbetet në kujtimet e gjithë luftëtarëve të Ushtrisë çlirimtare Kombëtare (UÇK) si gjatë luftës së Kosovës, Preshevës ashtu edhe gjatë luftës së vitit 2001 në Maqedoni.
Përvec kontributit të tij si pjesëmarrës i drejtëpërdrejtë, shtëpia e tij që nga vitet e 90-ta ka qenë vendqëndrim dhe urë lidhëse per gjithë veprimtarët dhe luftëtarët ai ka ndihmuar në pjesën e logjistikës per luftëtarët andej kufireve Shqiptaro-Shqiptare si dhe strehimin e ushtarëve dhe përcjelljen e tyre nga një front në një tjetër”, thuhet në njoftimin e Këshillit organizativ.







