Shkolla fillore komunale “Kiril dhe Metodi” nga fshati Rramanli i Kumanovës është renditur në vendin e tretë në garat komunale në futboll të madh, në të cilat morën pjesë gjithsej 10 shkolla.
Ekipi i kësaj shkolle arriti të sigurojë një vend në podium, ndërsa përfaqësuesit e shkollës e kanë vlerësuar rezultatin si të kënaqshëm, duke marrë parasysh edhe dallimin në numrin e nxënësve me disa prej shkollave pjesëmarrëse.
Mësimdhënësi i Edukatës Fizike, Lirim Isufi, dhe drejtori i shkollës, Xhemaledin Aziri, janë shprehur të kënaqur me paraqitjen e nxënësve dhe rezultatin e arritur në këtë garë.
Sipas tyre, një nga veçoritë e këtij edicioni ishte fakti se Shkolla e Rramanlis u përball me ekipe nga shkolla që kanë rreth tre herë më shumë nxënës.
Me vendin e tretë, Shkolla e Rramanlis përmbylli pjesëmarrjen në garat komunale të futbollit me një rezultat që e renditi atë mes tri ekipeve më të suksesshme të garës.







