Kombëtarja e Kosovës është mposhtur 3-0 nga Irlanda në sfidën vendimtare për vendin e dytë në grupin B3 të Ligës së Kombeve.
Kjo humbje Kosovën e ka lënë në pozitën e tretë në grup me gjashtë pikë, duke ia pamundësuar vendin e dytë, shkruan Arbresh.info.
Me këtë triumf, Irlanda doli e dyta me tetë pikë. Kurse lidere e grupit ishte Austria me 12 sosh. E fundit mbeti Izraeli me katër.
ÇFARË NËNKUPTON POZITA E TRETË PËR KOSOVËN?
Vendi i tretë Kosovës ia garanton qëndrimin në Ligën B, pa play-off edhe për një sezon tjetër.
Por lajmi i keq është se Kosova do të jetë në vazon e tretë për kualifikimet e rregullta për Kampionatin Evropian “Euro 2028”.
Kjo nënkupton se Kosova do të shortohet me dy kombëtare të forta për kualifikimet për Euro 2028.
Nëse Kosova do të renditej në dy pozitat e para, atëherë do ta siguronte vazon e dytë, por humbja e sotme ia mohoi këtë gjë.
Në vazon e tretë ndodhet edhe Shqipëria gjë që pamundësohet një takim mes këtyre dy kombëtareve.
Kosova mund të shortohet me kombëtare të forta si Spanja, Gjermania, Anglia, Franca Holanda, Portugalia, Danimarka, Greqia, Belgjika, Italia, Norvegjia dhe Kroacia.
Ndërsa në vazon e dytë kundërshtarët e mundshëm janë: Uellsi, Turqia, Çekia, Zvicra, Suedia, Austria, Hungaria, Irlanda e Veriut, Sllovenia dhe Irlanda.
Këto janë vazot e kompletuara pas përfundimit të Ligës së Kombeve:
Ndryshe, shorti për kualifikimet e Euro 2028 tërhiqet me datën 6 dhjetor./Arbresh.info







