Përfaqësuesja e Maqedonisë së Veriut ka nisur përgatitjet për sezonin e ri në Ligën e Kombeve. Ndeshja e parë për përzgjedhjen tonë më të mirë janë Ishujt Faroe. Futbollisti i Bochumit, Agon Elezi, thotë se objektivi për Maqedoninë është vendi i parë në grup.
“Jam i lumtur që jam sërish pjesë e kombëtares. Në skuadër ka një atmosferë pozitive. Qëllimi ynë është vendi i parë. Jemi në fillim të sezonit dhe të gjithë djemtë janë sa më të gatshëm dhe të etur për një rezultat të mirë.
Në futbollin modern, nuk ka ndeshje të fituara para kohe. Ishujt Faroe janë një kundërshtar shumë i ndërlikuar. Duhet të përshtatemi me barin artificial, por besoj te shokët e skuadrës dhe te një rezultat pozitiv. Maqedonia në këtë grup synon vendin e parë, duke pasur parasysh cilësinë tonë, kemi të drejtë të besojmë. Por këtë duhet ta tregojmë në fushë”, tha Elezi.







