Koordinatori i grupit parlamentar të BDI-së, Arbër Ademi theksoi sot se VMRO-DPMNE-ja paraprakisht është dashur të harmonizoj me partitë tjera politike propozimin e saj rreth ndryshimeve dhe plotësimeve të Ligjit për Qqeverinë. Ademi me këtë rast përkujtoi se në vitin 2015-2016 këto ndryshime janë miratuar me konsensus ndërmjet partive më të mëdha politike në vend.
“Propozimin që e morëm sot, po e shqyrtojmë. Mendojmë se në periudhën e ardhshme, sepse zgjedhjet e ardhshme parlamentare do të mbahen në vitin 2024, do të kemi kohë të mjaftueshme që ta analizojmë”, deklaroi Arbër Ademi, BDI.
