Kapiteni i skuadrës kroate të futbollit, Luka Modriq, pas fitores ndaj Marokut në ndeshjen për vendin e tretë në Kupën e Botës tha se të gjithë lojtarët mund të krenohen me fitimin e medaljes së bronztë në Kupën e Botës, si dhe se do të luajnë për atë përzgjedhje në finalet e Ligës së Kombeve vitin e ardhshëm.
“Unë mendoj se bëmë diçka të bukur. Ne donim medaljen e artë, por nuk ia dolëm. Por ne mund të krenohemi për të gjitha këto dhe të vijmë në Kroaci si fitues. Kjo është një medalje speciale në kampionatin e dytë radhazi, ne jemi rritur. shumë, Kroacia nuk është më një mrekulli që ndodh çdo 20 vjet. Tani ata na shohin si një superfuqi”, tha Modriç për Radion dhe Televizionin Kroat, transmeton Hina.
Kujtojmë, futbollistët kroatë fituan medaljen e bronztë në Botërorin e Katarit, pasi mposhtën 2:1 Marokun në ndeshjen e vendit të tretë.
Kjo është medalja e tretë e Kroacisë në kampionatin botëror pas bronzit në 1998 nga Franca dhe argjendit katër vjet më parë në Rusi.
Modriq mohoi se ndeshja kundër Marokut ishte e fundit për të në fanellën e kombëtares.
“Plani im është të qëndroj deri në fund të Ligës së Kombeve, që është vitin e ardhshëm. Ndoshta disa ndeshje kualifikuese për EURO”, përfundoi futbollisti 37-vjeçar.