Kampionia e talentuar e mundjes nga Kroacia me origjinë nga Dobërdolli, Ajla Kadriji, po i zhvillon përgatitjet e fundit para kampionatit europian U-15, i cili nga 6-9 korrik do të zhvillohet në Kaposvar të Hungarisë, shkruan Open-TV.
Ajla do ta prezantojë Kroacinë në mundje në kategorinë deri më 46 kg. Garuesit e Kroacisë përgatitjet janë duke i zhvilluar në Hungari.
Kujtojmë se, Ajla Kadriji ka shkëlqyer në disa turne të fortë të mundjes në Kroaci. Në turneun “World Wrestling” festival në Poreç të Kroacisë, 13-vjeçarja e zuri vendin e dytë në konkurrencë individuale, ndërsa vendin e parë me ekipin e reprezentacinit të Kroacisë.
Ajo si pjesë e reprezentacionit të Kroacisë e fitoi edhe medaljen e argjendtë në turneun e fuqishëm ndërkombëtar “Arena Open 2023” në Pula të Kroacisë. Ajo është vajza e drejtorit sportiv të KF Besa, Bujar Kadriji. Open-TV)
