Shkruan: Bashkim Murtezi, sekretar organizativ i Alternativës
Afrim Gashi, duke qenë vizionar dhe i vendosur për të mirën e kësaj popullate, dy herë kur vendi ishte në udhëkryq, në kohën e anëtarësimit në NATO dhe gjatë hapjes e rrugës euro-integruese, duke mos kalkuluar fare me interesat e ngushta partiake dhe personale, me pjesëmarrjen e tij në shumicën e asaj kohe, ishte FAKTORI kryesor që ia mundësoi këtij vendi të marrë rrugën e Perëndimit dhe të mos bie në humnerën anti-NATO dhe anti-EUROPË. Kjo është arsyeja që elementet anti-NATO dhe antieuropiane, si LEVICA dhe patericat e saj, si disa parti nga provinca, nuk munden t’ia falin këtë Afrim Gashit.
Afrim Gashi ishte demaskuesi i qeverisjes së krimit dhe korrupsionit LSDM & BDI dhe sërish ishte FAKTORI kryesor që i prishi planet dhe matematikat e numrave të tyre për të siguruar jetëgjatësi të atij koalicioni, të cilët pretendonin dhe planifikonin që, përmes joshjes së pushtetit, të siguronin edhe një mandat qeverisjeje. Kjo është arsyeja që elementet e krimit dhe korrupsionit LSDM & BDI nuk ia falin këtë Afrim Gashit.
E treta, Afrim Gashi ishte ideatori dhe nismëtari i krijimit të një koalicioni të partive shqiptare të opozitës së asaj kohe, e cila do bëhej FAKTORI kryesor tashmë i etabluar si VLEN, që përfundimisht do t’i dërgojë në opozitë të gjitha ata elementë anti-NATO dhe antieuropiane përplot krim dhe korrupsion. Kjo është arsyeja që sot u bënë bashkë LEVICË-LSDM-BDI në tendencën për ta njollosur figurën e Afrim Gashit dhe të shpresojnë në arritjen e qëllimit të përbashkët të tyre, shpëtimin e tyre.
Përfundimisht, Afrim Gashi është figurë që nuk i konvenon planit të asnjërës parti të lartpërmendur, sepse është figura më e pastër politike jo vetëm në vend, por edhe në rajon, dhe ata në asnjë mënyrë nuk mund të hedhin mjegull mbi udhëheqjen e tij shembullore dhe integritetin e lartë moral e profesional.
Prandaj mbështetësit e hapur e të fshehur të interpelancës ndaj Gashit sot bëjnë mirë ta vendosin ujin në frigorifer që ta kenë të ftohtë, sepse eksperimente të tilla nuk u kalojnë.







