Kryetari i këshillit të komunës së Tetovës, Besar Durmishi përmes një press konference të organizuar sot ka reaguar ndaj ministrit të ekonomisë Kreshnik Bekteshi i cili akuzoi Ksamin se muaj i mjaltit ka pëfunduar dhe se duhet ti kthehet punës shkruan Top24.
Durmishi në pres konferencën e tij tha se :
-Nëse për Ju borxhi i krijuar nga ana e eksponentëve të partisë të cilën e përfaqësoni (24.018.222 euro) paraqet muaj mjalti, për ne paraqet problem serioz i cili kërkon edhe zgjidhje serioze.
– Nëse për Ju, shuma prej 7 milion eurove që janë në përmbarues, shkaku i neglizhencës dhe keqpërdorimit të parasë së qytetarëve dhe që e ka bllokuar funksionimin e institucionit të qytetarit, paraqet muaj mjalti, kjo për ne paraqet papërgjegjshmëri ndaj taksapaguesve tetovarë.
– Nëse për Ju është në rregull pagesa e militantëve partiak nga buxheti i komunës përmes kontratave në vepër, derisa të punësuarit në NKP Tetova-Tetovë nuk kanë pasur të paguar as edhe sigurimin shëndetësor në kohën kur vendi dhe qyteti ynë përballet me krizën shëndetësore të shkaktuar nga pandemina, paraqet muaj mjalti për ne paraqet angazhim për t’i zgjidhur problemet e kësaj kategorie të qytetarëve të cilët mezi sigurojnë ekzistencën.
– Nëse për Ju mungesa e ujit për pije për qytetarët e Tetovë është normale dhe paraqet muaj mjalti, për ne paraqet një të drejtë elementare njerëzore dhe do të angazhohemi me përkushtimin më të madh për tejkalimin e këtij problemi të trashëguar nga strukturat udhëheqëse të partisë suaj, tha Durmishi.
Ai më tej shtoi se ashtu siç jemi zotuar, ne do të vazhdojmë të jemi transparent përpara qytetarëve duke publikuar në vazhdimësi të gjitha kontratat në vepër.
“Borxhin dhe problemet e Komunës së Tetovës nuk i krijuam ne, atë e gjetëm në mesin e komunës”.
I nderuar Kreshnik, muaj mjalti e keni ju, pasi çmimet e produkteve bazë janë vazhdimisht në rritje, ju lutem shqetësohuni për ekonominë e vendit. Ministër ju jeni në gjumë gjithmonë dhe vazhdoni e hani mjaltin e qytetarëve. Zona ekonomike është një dështim i Juaji z.Bekteshi!