Boksieri i njohur shqiptar, Avni Selimi, i ka nisur përgatitjet për meçin e radhës, i cili pritet të zhvillohet në fillim të muajit mars. Ky meç është një parapërgatitje për atë që e pret në muajin maj-meçi i vlefshëm për titullin europian. Selimi jeton në Gjermani, por me prejardhje është nga Forina e Gostivarit. 32 vjeçari boksin në peshën e rëndë (91+kg).
“Po jam duke u përgatitur maksimalishtë për ndeshjet e radhës. Kundërshtari ende nuk dihet, atë e gjen promotori. Meçi do të zhvillohet në fillim të muajit mars. Unë pres fitore. Ndërkohë që, ndeshja për titullin europian do të jetë në muajin maj, në Gjermani ose diku tjetër. Edhe për atë mec duhet të përgatitem edhe më fortë në mënyrë që të vazhdojë me fitore”, thotë Avni Selimi për Open-TV.
Avni Selimi e ka nisur karrierën në vitin 1998 në Gostivar, atëherë në sportin e xhudos, ku ka garuar një herë për vendin e tretë dhe dy herë për vendin e parë në Shkup dhe Pejë. Më pas, ai emigroi në Gjermani, ku nisi të merret me boks amator, por për shkak të disa operimeve pati shkëputje në karrierë.
Ai në boksin amator i ka zhvilluar 30 meçe, prej tyre 25 fitore. Më 6 prill 2019 për herë të parë boksoi në boksin profesionist. Selimi ka boksuar në Gjermani, Holandë dhe Angli. Deri tani i ka zhvilluar 5 meçe profesionsite dhe i ka tw gjitha fitore me nokaut. Menaxher i tij është Arian Bajrami, kurse sponsor kryesor i ri për momentin është FH Reifen&service./Open-TV/
Ky tekst është mbështetur nga AS Bau-Frankfurt!
