Kryetari i komunës së Kumanovës, Maksim Dimitriveski, në emisionin e mbrëmshëm “Triling” në televizionin 24 duke folur për çështjen me Bullgarinë potencoi se për të biseduar nevojiten dy palë, që duhet të respektohen, shkruan Open-TV.
“Nëse nga ana tjetër ke përfaqësim të pikëpamjeve me mohim, atëherë në fakt nuk negocion, të imponohen pikëpamjet. Qëndrimi im me Bullgarinë është absolutisht i qartë. Mendoj se zgjidhjet duhet të gjenden përmes dialogut, por pala tjetër ose pala bullgare duhet të kuptojë se maqedonasit janë realitet. Ne nuk mund të jemi gjë tjetër veçse maqedonas, se të parët tanë kanë qenë maqedonas dhe të tillë do të jenë brezat tanë të ardhshëm të nipërve. “Gjuha maqedonase është realitet, dhe sa i përket pakicës maqedonase në Bullgari, qytetarët e Republikës së Bullgarisë le të thonë se ku janë, kush janë, çfarë janë në të vërtetë”, tha Dimitrievski.
Ai theksoi se në këtë moment është duke u vënë në pikëpyetje Marrëveshja e Prespës.
“Atëherë pse miqtë tanë bullgarë po na shtyjnë me guxim në atë proces dhe po e ndërlikojnë më tej situatën e marrjes së një date për negociatat e para-anëtarësimit?” Përvoja jonë me Bullgarinë në të kaluarën, veçanërisht përvoja e të parëve tanë dhe periudha 41, 45, lufta e dytë ballkanike është shumë e keqe. Ne kemi kaluar nëpër një proces të korrigjimit të marrëdhënieve që kur Maqedonia ishte shtet i pavarur. Dhe të gjitha këto, disa individë arritën ta prishin duke imponuar pozicionin e tyre”, tha Dimitrievski.
