Gjatë ditës së djeshme, në Shtip u organizua edicioni i radhës i turneut ndërkombëtar në mundje, “Margaritari i Maqedonisë”, në të cilin morrën pjesë edhe disa mundës të klubit Liria.
Nga ata, paraqitjet më impresive i kishte Fati Vejseli, i cili u shpall kampion në kategorinë deri më 70 kg, por edhe barti epitetin e mundësit më të mirë vendas.
Nga mundësit tjerë, medalje fituan edhe Besir Alili (i argjendtë 61 kg), Muhamed Feruki (i argjendtë 65 kg), si dhe Uvejs Fejzullahu (i bronztë 120 kg).
