6 shkurt 2022 – Në Inbox-in e Open-TV ka ardhur kjo fotografi shumë emocionuese. Në foto janë dy nënat e dy dëshmorëve të kombit të luftës së vitit 2001 në Maqedoni, Nezir Demirit-komandant Apaçi (nëna e tij është e para majtas) dhe Elmi Kamberit i njohur nga bashkëluftëtarët e UÇK-së me pseudonimin Reçaku, nga Reçaku i Republikës së Kosovës, shkruan Open-TV.
Fotografia është bërë tek varrezat e dëshmorëve të kombit në fshatin Sllupcan, aty ku prehen të qetë trupat e djemve të tyre dhe dëshmorëve të kombit.
Këto dy nëna ashtu edhe sikur të gjitha nënat e dëshmorëve janë nënat dhe gratë më të forta dhe më të guximshme, përkundër mërzive që kanë për djemtë e tyre që dhanë jetën për liri.
T’ju kujtojmë se Nezir Demiri dhe Elmi Kamberi kanë rënë dëshmorë në të njëjtën ditë (20 qershor 2001) nga një granatë e forcave policore dhe ushtarake të Maqedonisë./Open-TV/