29 janar 2022 – Të shtunën (sot), klubi i hendbollit për femra Çair ka marrë rrugën për në Serbi. Vashat nga Çairi në një ndeshje miqësore do të përballen me nënkampionen e Serbisë, Bekament. Bëhet fjalë për një skuadër të fortë që është kualifikuar për në ¼ e kupës EHF, shkruan Open-TV.
Çairaset me të njëjtin ekip do të takohen edhe ditën e diel në qytetin e Aranxhellovacit.
KHF Çair me ndeshje miqësore do të vijojë edhe fundjaven e ardhshme, ku fillimisht do të jenë mysafire të Ulqinit, që garon në Superligën e Malit të Zi, ndërsa një ditë më vonë ka mundësi të udhëtojnë edhe Prishtinën pëer të luajtur me ekipin nga kryeqyteti i Republikës së Kosovës.
Trajneri i ekipit Basri Latifi dhe ai i portierëve Gafur Hasani thonë se këto ndeshje kontrolluese janë të mirëseardhura para play-offit që fillon me 12/13 të muajit shkurt, ku KHF Çair nis garat nga vendi i dytë.
Së bashku me ekipin është edhe drejtoresha e klubit Mia Islami.
Pjesa e parë e kampionatit ka përfunduar dhe në të kanë marrë pjesë dy grupe nga tetë ekipe. Katër ekipet e para të dy grupeve tani marrin pjesë në fazën e play-off-it, duke krijuar një tabelë të re. /Open-TV/
