27 janar 2022 – Turneu në hendboll për meshkuj në nderim të Arsim Idrizit, ish-hendbollistit të KH Rinia nga Çairi i Shkupit edhe sivjet është anuluar. Kjo për shkak të koronavirusit. Lajmin për Open-TV e bën të ditur trajneri i klubit të hendbollit për femra Çair, Basri Latifi.
“Jo, edicioni i tretë nuk do të mbahet, kjo për shkak të situatës me pandeminë Covid-19. Deri tani është mbajtur vetëm turneu i parë në vitin 2020, kurse në vitin 2021 dhe tani u anulua. Ekipet mysafire që ishin planifikuar të vijnë në turne nuk i kanë marrë vaksinat e treta”, deklaroi për Open-TV, trajneri Basri Latifi.
Arsimi i mbush tre vite që ka ndërruar jetë.
Ai ka lindur me 21 dhjetor të vitit 1983, ndërsa ndërroi jetë me 22 janar 2019.
Arsimi ka qenë edhe pjesëtar i UÇK-së, por për shkak të modestisë që kishte asnjëherë nuk e ka bërë publike./Open-TV/