Demir KRASNIQI
KRIMET E UDB-së NË LIKOVË TË KUMANOVËS
Gjatë Luftës së Dytë Botërore –
Shqiptaria ka vuajt prore !
Në rrethinë të Kumanovës ,
Në luginën e Likovës !…
Ndaj popullatës vendëse –
Janë bërë krime marramendëse !
Janë zhvillua luftëra gjithë fare –
N’ mbrojtje t’ popullatës shqiptare !
Nga Likova është masakruar ,
Mizorisht dhe është coptuar –
Eshref Ademi – Çefi i Likovës ,
Kështu njihej n’ rreth t’ Kumanovës !
.
Çefi ishte prej Likovës –
Dora e djathtë e Sulë Hotlës !
Ndërsa shok i tij ma i ngushti –
Ishte Destan Jashar Agushi !
Destan trimi i kësaj trevës –
Ishte nga Norça e Preshevës !
Çefi ishte udhëheqës gjithë fare –
Për kauzën tonë kombëtare !
UDB-ja e Kumanovës –
Ndiqte Çefin e Likovës !
Së bashku me Destan Agushin –
Këmba këmbës ua ndiznin prushin !
Ndaj tyre UDB-ja s’u ndal –
Më në fund i zunë në mal !
Përmbi pendën e Likovës –
Atje afër Samakovës !
Në një vrimë bashkë kishin qenë –
Për shpëtim kishin zanë vend ,
Çefi trim Eshref Ademi ,
Destan Agushi dhe Beqir Rrustemi !
Beqir Rrustemi ishte nga Gllaxhnja –
I iknin UDB-ës nga zënëja !
Të tre ranë n’ dorë t’ UDB-së –
Nga spiunët shqiptarë t’ pa besë !
Si i zunë Çefin dhe Destanin –
Kriminelët zunë ta bëjnë namin !
I sollën n’ oborr të shkollës –
Mu në fshatin e Likovës !…
Që t’ bëjnë krime sa ma keq –
Të dytë i quan n’ fshatin Mateç !
Të dytë i shtinë në një bodrum –
Për t’iu bërë më shumë zullum !
Në kujtesë nga disa pleq –
700 metra nën Mateç ,
Pranë një dardhe kur janë afrua ,
Te Përroi i Varreve janë masakrua !
Kriminelët e serbijanit –
Mbi trup t’ Çefit dhe Destanit ,
Për të bërë krim sa më t’ hidhur ,
Këmbë e duar ua kanë lidhur !
Para se shpirti t’ iu dali –
Të dytë i rropën për s’ gjalli !
Kështu dy trimat e Likovës –
Na i vranë serbët e Kumanovës !
UDB- ja fshatin kishte rrethuar –
Kush s’ guxonte për t’ iu ndihmuar !
T’ nesërmen fshati kur janë zgjua –
N’ vend t’ masakrës kur kanë shkua …
Nga ky krim gati janë çmendur –
Kanë gjetur ca kunja të gdhendur !
Ishin kunja plot me gjak –
Kriminelët qysh kanë marrë hak !
Dy viktimat që i kanë masakruar –
Barbarët , natën i kishin mbuluar !
Kishin mbuluar me dhe shqiptarët –
Që t’ mos munden t’ ua gjejnë varret !
Ebib Shukriu , po e flet një fjalë :
“Babën n’ burg kur ma kanë marrë ,
Haki Shukriu na la me mallë –
Nga burgu nuk doli i gjallë !…
Më 5 Nëntor , Dyzet e katër –
Serbët donin t’ bëjnë masakër !
N’ mëngjes herët na rrethuan –
Babanë tonë e arrestuan !
N’ oborr hyri me rrëmbim –
Një udbash donte t’ bëjë krim !
Ky udbash ishte prej Mateçi –
Bogosav Maksimoviq dreqi !
Një udbash tjetër i dalë fare –
Kishte hipur në minare !
Shtëpinë tonë po e vëzhgonte –
Mos nga fshati kush po afronte ?!
Nga shtëpia babën e nxorën –
Ia lidhën duart dhe e morën !
Baba u nda prej nesh me mallë –
Nga burgu nuk doli i gjallë !
Babanë tonë na e morën n’ votër –
Nga Likova e çuan n’ Hotël !
Kriminelët serbë për dreq –
E dërguan pastaj n’ Mateç !
Më në fund biri i Likovës –
Mbylli sytë n’ burg t’ Kumanovës !”
Kujton burgun Riza Fejzullahu –
Haki Shukriut çka i bënte shkau :
“Unë e rrotulloja Hakijen –
Sepse keq e rrihnin shkijet !
Zotit t’ Madh i qofshim falë –
Vetëm shpirti sa nuk i kishte dalë !”
Ramazan Selimi nga Likova –
Thotë :” Hakiun e shikova !…
Pas masakrës e hodhën n’ grellë –
Në një gropë 50 metra t’ thellë !…
N’ Kumanovë , afër varreve t’ shkijeve –
Që t’ mos duket prej shtëpive !
Po n’ atë gropë , në atë humnerë –
Kanë hedhë shumë shqiptarë të tjerë !”…
Në Likovë veglat tradhtare –
Formuan UDB-në e vogël shqiptare !
UDB-ja e vogël e Likovës –
Rol ma t’ madh se e Kumanovës !…
Komunistët e egër shqiptarë –
Luanin rolin si tradhtarë !
Pa pas hile , pa pas hak –
Shumë shqiptarë i lanë me gjak !…
Eshref Ademi – Çefi i Likovës ,
Veprimtar n’ rreth t’ Kumanovës ,
N’ moshën 45 vjeç –
U masakrua n’ fshatin Mateç !
Haki Shukriu , biri i Likovës –
U likuidua n’ UDB-e t’ Kumanovës !
N’ moshën 57 vjeç –
E masakruan udbashët për dreq !
Kështu , o vëllezër tonë shqiptarë ,
Nga spiunët shqipfolës tradhtarë –
Kemi mbet gjithmonë n’ robëri ,
S’ kem pas shtet, s’ kem pas liri !…
Gjilan, më 12.02.2018. Demir KRASNIQI
