Me rastin e 30 vjetorit të pavarësisë së Republikës së Maqedonisë së Veriut, senatori francez Robert Badinter, mori mirënjohje nga vendi. Mirënjohjen ia dhuroi shefi i diplomacisë Bujar Osmani, i cili së bashku me zëvendëskryeministrin për çështje evropiane Bojan Mariçiq e vizituan në shtëpinë e tij në Paris.“
Kisha nderin dhe kënaqësinë e veçantë që të vizitoj Senatorin Robert Badinter, në shtëpinë e tij në Paris dhe t’ia ndajë mirënjohjen me rastin e 30 vjetorit të pavarësisë së Republikës së Maqedonisë së Veriut. Senatori Badinter kontribuoi në dy momente kyçe të historisë së Maqedonisë së Veriut, edhe atë në periudhën e pavarësisë dhe njohjes ndërkombëtare të vendit, aso kohe në rolin e kryetarit të Komisionit të Arbitrazhit të Konferencës së Paqes për Jugosllavinë dhe në vitin 2001 me zotimet për ndryshimet kushtetuese dhe vendosjen e stabilitetit dhe bashkëjetesës multietnike në vend”, ka shkruar në Fejsbuk, ministri Osmani.
Me këtë akt, ne i japim njohje simbolike për gjurmën e lënë në konsolidimin e pavarësisë sonë, mbështetjen dhe ndihmën në rrumbullakimin e perspektivës euroatlantike, si dhe forcimin e kohezionit multietnik, multikulturor dhe multikonfesional të vendit dhe shoqërisë sonë.“Në një rast, Senatori Badinter për Maqedoninë e Veriut kishte thënë: “E ardhmja e këtij vendi kuptohet se është në kuadër të Bashkimit Evropian. E di se rruga është e vështirë. Prandaj, do të shërbehem me moton e rendit të madh të jezuitëve, mësimin e të cilëve nuk e kam ndjekur – Per aspera, ad astra! (përmes gjembave deri te yjet)”, ka shkruar Osmani në Fejsbuk.